Idi errekia, Idoki. 500 g-ko puska, airerik gabe
paketatua. Akitaniako blonda arrazakoa
Idi errekia, Idoki, Akitaniako blonda
arrazakoa. Errezeta: Idi errekia gribiche saltsarekin: Labea 100°ra beroaraz.
Idi errekiaren alde guzietara gatza, biperbeltza eta oliba olioa bota. Zartagin
bat beroaraz. Zartagina bero-beroa delarik, oliba olioa ezar. Errekia alde
guzietan beroaraz eta gorriaraz. Ondotik, errekia labean sar eta 15 minutuz
utz. Haragia barnean guti egina izan behar da. Berotzean bota duen jusa atxiki
eta hozkailuan oren batez hozten utz. 3 arroltze ur irakinean 6 minutuz egos.
Ur hotz-hotzez bete ontzi batean sar eta azala ken. Arroltzeak erditik motz.
Koilaraz, gorringoak atera eta beste ontzi batean sar. Zuringoak atxiki.
Gorringoak dituen ontzian, mustarda eta ozpina gehi eta maionesa egin, 100 ml oliba olio eta 100 ml mahats-hazi olio emeki-emeki isuriz. Arroltze
zuringoak, tipulina, perrexila, perraitza, kaparrak, luzokertxoak eta tipulatxak
xerra meheka motz. Hori guzia maionesan sar. Ongi nahas, Gribiche saltsaren
sortzeko. Beharrez, gatza, biperbeltza eta zitroin jusa gehi. Haragiak berotzean
bota jusa gehi. Errekia hotza delarik, xerra fin-finetan motz!"
