List of products by brand FERME ETXEXURIAKO BARATZEA
Fabien LABRUNE
Fruitu ekoizlea
ETXEXURIAKO BARATZEA
64120 BEHAUZE
Arbolgintzaz pasionatua, Fabien-ek 2018-an fruituondoak landatu ditu, zointan alhatzen diren... antzarak !
Fruitu ondoak 2018an landatuak izan dira 1.2hektararen gainean, laborantza biologikoan. Fruituondo mota desberdin anitz badira ( sagarrondo, udareondo, gereziondo, mertxikondo, aranondo, marrubiondo, martxuka-gorri ondo, kasis ondo, andere-mahatsondo, arbendolondo batzu, gaztainondo eta urrondo), ahalez tokiko eta rustikoak diren barietateak hautatzen ditut.
Horrez gain antzarak hazten ditut, fruitu ondoen inguruan den belarra jaten dute eta horien gorotzak lurra elikatzen du. Oraikoan hogei aintzara ditut, helburua litaike ehun bat bururen ukaitea. Fruitu ondoen zaintze osoa eskuz egiten dut (moztea, belar kentzea), parasitoen kontrako tratamenduak landareekin eginak dira (asun, baratxuri, iratze..), noiztenka kobrea erabilia da.
Kimatzea gehiena neguan egiten dut lehen karroinak baino lehen eta udan “mozte berdea” egiten dut. Biodinamia ikasten dut piskanaka, ene baratzeko bioaniztasuna azkartzeko eta parasitoen erregulazio natural baten lortzeko.
Lilitzea arbendolondoekin hasten da otsailean. Biltzea udaberrian hasi eta udazkenean bukatzen. Bildutako fruituak saltzen ala transformatzen ditut.
Antzarak kanpoan haziak dira. Laku ttipi bat eta aterpe bat badute bainan ez dira sekulan barnean. Udaberrian erruten dute, otsail bukaera eta apiril bukaera artean, ugaltze zikloa delarik. Eme bakotxak 40 arroltze egiten ahal ditu. Kanpoko bazkaz gain, inguruetan erosi zerealek (arto, gari, garagar) osatzen dute kabalen elikadura.